PADEBORNA

PADEBORNA

urbs Westphaliae Episcopalis sub proprio Episcopo a Carolo M. qui ibi Comitia celebravit, A. C. 777. instituto; conflagravit A. C. 999. inter Monasterium 12. milliar. German. in Ortum et Casellam fere 10. in Circium, dissita, Lupiae fontibus proxima. Hanzeatica, satis culta. Caput Episcopatus Padeborn. qui inter Ducatum Brunsvicensem ad Ortum ditionem Monasteriensem et Ducatum Westphaliae ad Occidentem, Comitatum Lemgoviae ad boream, et Ditionem Hasso-cassellanam est, ad Meridiem ad 40. mill. pass. extenfus a Septentrione in Meridiem. Reliquae rubes Brachelia et Warburgum. Eius cives iurare coacti A. c. 1625. numquam se Lutheranam Religionem admissuros, cum id non observarent, vi ab Hermanno Archiepiscopo Coloniensi ad id compulsi atque sub iugum eredacti sunt. Vide Georg. Hornium Orbis Politic. Part. 2. p. 18.